యూఏఈ: యూఏఈలోని రాఫెల్‌లు గత కొన్ని దశాబ్దాలుగా ఆదరణను చురగొంటుంది. దుబాయ్ షాపింగ్ ఫెస్టివల్ (DSF) ద్వారా జీవితాన్ని మార్చే బహుమతులను అందించడం ద్వారా రాఫెల్‌లు చాలా వరకు ప్రాచుర్యం పొందాయి. బంగారు కడ్డీలు, లగ్జరీ కార్ల నుండి భారీ నగదు బహుమతుల వరకు DSF అనేది చాలా మందికి కలలు కనే పర్యాయపదంగా మారింది.  

సరికొత్త ప్లాట్‌ఫారమ్‌లలో ఒకటైన డ్రీమ్ దుబాయ్.. కేవలం Dh5 నుండి షాపింగ్ కార్డ్‌లను కొనుగోలు చేయడం ద్వారా ఎవరైనా రాఫిల్ డ్రాలలో పాల్గొనడానికి అనుమతిస్తుంది. ఈ కార్డ్‌లతో పాల్గొనేవారు విలాసవంతమైన కారు, Dh3 మిలియన్ల నగదు లేదా 100 గ్రాముల బంగారంతో సహా అద్భుతమైన బహుమతులను గెలుచుకోవచ్చు. తక్కువ-ఎంట్రీ ఖర్చుతో పాటు అధిక-విలువ రివార్డ్‌లు అందర్నీ ఆకర్షించే అవకాశం కల్పిస్తుంది.  

షార్జాలోని అల్ నహ్దా నివాసి రీమా ఖాన్ మాట్లాడుతూ.. "DSF సమయంలో అద్భుతమైన రాఫెల్స్ గురించి నేను చాలా విన్నాను. అందుకే ఈ సంవత్సరం దీనిని ప్రయత్నించాలని నిర్ణయించుకున్నాను. డ్రీమ్ దుబాయ్‌లో నేను వివిధ మొత్తాలలో అనేక షాపింగ్ కార్డ్‌లను కొనుగోలు చేసాను, మరియు ఆశ్చర్యకరమైన విషయం ఏమిటంటే, ఒక వ్యక్తి Dh5 కంటే తక్కువ ధరకే కార్డ్‌ని పొందవచ్చు. ఇది ఆఫర్‌లో ఉన్న అద్భుతమైన బహుమతులతో పోలిస్తే చాలా తక్కువ మొత్తం." అని తెలిపారు.

నదియా హషీమ్ వంటి దీర్ఘకాల నివాసితులకు DSF రాఫెల్‌లు దాదాపు రెండు దశాబ్దాలుగా వార్షిక సంప్రదాయంగా మారాయి. "తొలి రోజుల్లో DSF రాఫిల్ టిక్కెట్‌ల ధర 200 దిర్హామ్‌లు అని నాకు గుర్తుంది. అప్పట్లో వాటిని ENOC పెట్రోల్‌ బంకుల్లోనే విక్రయించేవారు. ప్రజలు వాటిని కొనడానికి గంటల తరబడి బారులు తీరేవారు." అని హషీమ్ చెప్పారు. ఇప్పుడు, మీరు మూడు టిక్కెట్లు కొన్ని వోచర్‌లతో కూడిన రాఫిల్ కూపన్‌ల ప్యాక్‌ను కేవలం Dh10కి కొనుగోలు చేయవచ్చు. అవి నేరుగా పెట్రోల్ స్టేషన్ అటెండెంట్‌ల నుండి లభిస్తాయనా, ఇది చాలా సౌకర్యవంతంగా ఉంటుందన్నారు.  

అక్టోబర్ 7 నుండి జనవరి 12 వరకు జరిగే ENOC లాటరీ అనేక రకాల బహుమతులను అందిస్తుంది. ప్రస్తుతానికి 70 మంది విజేతలు ఒక్కొక్కరు ఇంటికి Dh10,000 తీసుకున్నారు. అయితే 30 మంది పాల్గొనేవారు Dh100,000, మరో నలుగురు Dh50,000 క్లెయిమ్ చేస్తారు. దాంతోపాటు నవంబర్, డిసెంబర్, జనవరిలో ప్రతి నెలా ఒక అదృష్ట విజేత సరికొత్త కారులో వెళ్లిపోతారు.

లగ్జరీ కార్లను గెలుచుకునే అవకాశాన్ని అందించే దుబాయ్ డ్యూటీ ఫ్రీ (DDF) ‘ఫైనెస్ట్ సర్‌ప్రైజ్’ రాఫిల్ టిక్కెట్‌లను విమానాశ్రయ లాంజ్‌లలోని ప్రయాణికులు మాత్రమే కొనుగోలు చేయాలని దుబాయ్ నివాసి అబ్దుల్లా హసన్ గుర్తు చేసుకున్నారు. ఒకప్పుడు, ఎవరైనా ప్రయాణంలో ఉంటే స్నేహితులు డబ్బు ఇచ్చి వారి కోసం టిక్కెట్ కొనమని చెప్పేవారని హసన్ చెప్పాడు. 1990లలో తన స్నేహితుడు లెక్సస్‌ను గెలుచుకున్నాడని, ఆ తర్వాత అతను దానిని Dh300,000కి విక్రయించాడని గుర్తుచేసుకున్నాడు.

డిసెంబర్ 20, 1999న DDF తన మిలీనియం మిలియనీర్ ప్రమోషన్‌ను ప్రవేశపెట్టింది. US$1 మిలియన్‌ను గెలుచుకునే అవకాశాన్ని అందిస్తోంది. ఈవెంట్ 25వ వార్షికోత్సవాన్ని పురస్కరించుకుని ప్రత్యేక 25 శాతం తగ్గింపును ప్రవేశపెట్టింది. ఈ ప్రమోషన్ తాజా శ్రేణి టిక్కెట్‌లు గంటల వ్యవధిలోనే అమ్ముడయ్యాయి. చాలా మంది పార్టిసిపెంట్లు రాయితీ టిక్కెట్ల విక్రయాల కోసం ఆసక్తిగా ఎదురుచూస్తున్నారు.