మనామా: ప్రైవేట్ రంగంలో బహ్రెయిన్ యేతర ఉద్యోగుల నుండి సేవా ముగింపు ప్రయోజనాలను మినహాయించే వ్యవస్థను సస్పెండ్ చేయాలని పలువురు ఎంపీలు ఒక తీర్మానాన్ని సమర్పించారు. ఈ వ్యవస్థకు యజమానులు మొదటి మూడు సంవత్సరాల్లో ఉద్యోగి జీతంలో 4.2% చొప్పున సోషల్ ఇన్సూరెన్స్ ఆర్గనైజేషన్ (SIO)కి జమ చేయాల్సి ఉంటుంది. ఆ తర్వాత 8.4%కి పెరుగుతుంది.

బహ్రెయిన్ ఛాంబర్ ఆఫ్ కామర్స్ అండ్ ఇండస్ట్రీతో ముందస్తు సంప్రదింపులు లేకుండానే ఈ వ్యవస్థను ప్రవేశపెట్టారని సభ్యులు పేర్కొన్నారు.  ఈ వ్యవస్థ యజమానులకు ఆర్థికంగా ఇబ్బందులకు గురిచేసిందని, వారి ఆర్థిక సవాళ్లను మరింత తీవ్రతరం చేసిందని పేర్కొన్నారు. ఈ సమస్య ముఖ్యంగా చిన్న, మధ్యతరహా పరిశ్రమలు (SMEలు), సూక్ష్మ వ్యాపారాలకు హాని చేస్తుందని ఎంపీలు హైలైట్ చేశారు. అనేక SMEలు ఇప్పటికీ COVID-19 మహమ్మారి సమయంలో ఏర్పడిన ఆర్థిక ఇబ్బందులతో పోరాడుతున్నాయని, కొన్ని కేసులు చట్టపరమైన వివాదాలకు దారితీస్తున్నాయని MPలు వాదించారు. ఈ సమస్యలను పరిష్కరించడానికి ప్రభుత్వ,  ప్రైవేట్ రంగాల ప్రతినిధులతో సంయుక్త కమిటీని ఏర్పాటు చేయాలని వారు కోరారు. చిన్న వ్యాపారాలపై విధించే పెరుగుతున్న ప్రభుత్వ రుసుములు, సుంకాలు SMEలపై ఆర్థిక ఒత్తిడిని పెంచుతున్నాయని, వాటిని భరించలేని స్థాయి రుణాలలోకి నెట్టివేస్తున్నాయని పేర్కొన్నారు.