దుబాయ్‌ ఎయిర్‌పోర్ట్స్‌ అడ్వైజరీ ప్రకారం అబుదాబీ ఎయిర్‌పోర్ట్స్‌, తమ ప్రయాణీకులకు వేసవి కాలం రద్దీ కారణంగా ముందస్తుగా ఎయిర్‌పోర్ట్‌కి చేరుకోవాల్సిందిగా సూచించింది. స్కూలు సెలవులు ప్రారంభమవడంతో 85,000 మందికి పైగా ప్రయాణీకులు అబుదాబీ ఇంటర్నేషనల్‌ ఎయిర్‌పోర్ట్‌ ద్వారా ప్రయాణించే అవకాశం ఈ వారం ఉందని అంచనా వేస్తున్నారు. అలాగే ఈద్‌ సెలవుల సందర్భంగా ఈ రద్దీ ఇంకా ఎక్కువ ఉండొచ్చు. ప్యాసింజర్లు ఇ-రిజిస్ట్రేషన్‌ చేయించుకోవాలనీ, స్మార్ట్‌ ట్రావెల్‌ ఇనీషియేటివ్‌లో భాగంగా ఇ-రిజిస్ట్రేషన్‌ తప్పనిసరి అని అబుదాబీ ఎయిర్‌పోర్ట్‌ ప్రయాణీకులకు విజ్ఞప్తి చేసింది. చెక్‌ ఇన్‌ ప్రాంతాల్లో ఈ కౌంటర్స్‌ని ఏర్పాటు చేశారు. ఈ విధానం ద్వారా ప్రాసెసింగ్‌ సమయాన్ని 70 శాతం వరకు తగ్గించుకునే వీలుంది. ఫ్లై దుబాయ్‌ ప్రయాణీకుల కోసం కొన్ని సూచనలు కూడా చేసింది. టైమ్‌ని సరిగ్గా ప్లాన్‌ చేసుకోవడం, ఆన్‌లైన్‌ చెకిన్‌ ద్వారా క్యూ లైన్‌ నుంచి జంప్‌ చేయడం, నిబంధనలకు తగ్గట్టుగా ప్యాకింగ్‌ చేసుకోవడం ఇవన్నీ సులువైన ప్రయాణానికి చిట్కాలంటూ ప్రయాణీకులకు సలహాలు, సూచనలు చేస్తున్నారు.