దుబాయ్: ఆదివారం రాత్రి దుబాయ్‌లోని మాల్ ఆఫ్ ఎమిరేట్స్ సమీపంలోని రెసిడెన్సీ భవనంలో అగ్నిప్రమాదం జరిగిన విషయం తెలిసిందే. దీంతో అనేకమంది రెంటర్స్ ఇప్పుడు తాత్కాలిక వసతి కోసం వెతుకుతున్నారు. కొందరు స్నేహితులు లేదా బంధువుల ఇండ్లలో ఆశ్రయం పొందుతుండగా, మరికొందరు హోటల్ గదులను బుక్ చేసుకుంటున్నారు.

ఆయిషా, మరియం అనే ఇద్దరు స్నేహితులు భవనాన్ని అధికారులు ఖాళీ చేయించడంతో ఇప్పుడు వారు రోడ్డుపై నిల్చున్నారు. సోమవారం ఉదయం 10 గంటలకు ఇద్దరు నివాసితులు తమ వస్తువులలో కొన్నింటిని తీసుకొని ఉండేందుకు రూమ్ కోసం సెర్చ్ చేస్తున్నట్లు పేర్కొన్నారు. తన వస్తువులను పొందడానికి ప్రయత్నించానని, కాని పోలీసులు అడ్డుకున్నారని నాల్గవ అంతస్తులో నివసించే ఫిలిప్పీన్స్ చెఫ్ క్రిస్టియన్ అకోస్టా తెలిపారు.  అయినా, ఆశ్రయం కోల్పోయిన వారికి ఆహారం అందిస్తూ తన వంతు సాయం చేస్తూ అండగా నిలుస్తున్నారు. తాత్కాలికంగా తన స్నేహితుడి ఇంట్లో ఆశ్రయం పొందుతున్నట్లు తెలిపాడు.  కొత్త సంవత్సరం రావడంతో, అద్దెలు కొంచెం ఎక్కువగా ఉన్నాయని రాహి అనే భారతీయ నివాసి తెలిపారు. అధికారులు తమ పరిశోధనలను త్వరగా ముగించాలని,  తమ గృహ సమస్యకు సత్వర పరిష్కారం కోసం నివాసితులు ఆశగా ఎదురుచూస్తున్నారు.