కువైట్: కువైట్‌లోని డైరెక్టరేట్ జనరల్ ఆఫ్ సివిల్ ఏవియేషన్.. జనవరి 1 నుండి 4వరకు న్యూ ఇయర్ సెలవుల కాలంలో కువైట్ అంతర్జాతీయ విమానాశ్రయం ద్వారా మొత్తం 150,404 మంది ప్రయాణీకులు ప్రయాణించే అవకాశం ఉందని ప్రకటించింది. మొత్తం విమానాల సంఖ్య 1,159గా అంచనా వేశారు. 150,404 మంది ప్రయాణీకులలో 71,324 మంది బయలుదేరుతారని, 79,080 మంది వస్తారని వెల్లడించారు.  విమానాశ్రయంలోని అత్యంత రద్దీగా ఉండే టెర్మినల్స్ పరంగా చూస్తే.. 64,673 మంది ప్రయాణికులతో టెర్మినల్ 1, ఆ తర్వాత టెర్మినల్ 5 (48,130 మంది ప్రయాణికులు), టెర్మినల్ 4 (37,601 మంది ప్రయాణికులు) ఉన్నారు. దుబాయ్, జెద్దా, కైరో, దోహా, ఇస్తాంబుల్‌లు ప్రయాణికులకు ప్రసిద్ధి చెందిన ప్రదేశాలుగా నిలిచాయి.