సామాజిక ఉద్యమకారుడు అన్నా హజారే జీవిత కథ ఆధారంగా తెరకెక్కిన చిత్రం 'అన్నా. దర్శకుడు శశాంక్‌ ఉదపుర్కర్‌ తెరకెక్కించిన ఈ చిత్రం ఫస్ట్ లుక్ విడుదలైయింది. స్వయంగా అన్నాహజారే ఫస్ట్‌లుక్‌ పోస్టర్‌ను విడుదల చేశారు. పోస్టర్‌ ఆవిష్కరణ కార్యక్రమంలో అన్నా హజారే మాట్లాడుతూ '25ఏళ్ల వయస్సులో దేశానికి సేవ చేయాలని నిర్ణయించుకున్నాను. ప్రస్తుతం నా వయస్సు 79 సంవత్సరాలు. కాని నిర్ణయం మాత్రం మారలేదన్నారు. సమాజం, దేశం కోసం ఎన్నో త్యాగాలు చేయాలి. అందుకే నేను పెళ్లి చేసుకోలేదు. నాకు ఎటువంటి కుటుంబం లేదు. కాని దేశంలో ఉన్న ప్రజలందరూ నా కుటుంబసభ్యులే' అని అన్నారు. ఈ చిత్రంలో అన్నా పాత్రను శశాంక్‌ పోషిస్తున్నాడు.