మలయాళం స్టార్ హీరో మోహ‌న్ లాల్ మెయిన్ లీడ్ లో మరో హీరో పృథ్వీరాజ్‌ సుకుమారన్ దర్శకత్వంలో వచ్చిన పొలిటికల్‌ యాక్షన్‌ థ్రిల్లర్‌ లూసిఫర్‌ సినిమా పెద్ద హిట్ అయింది. కరోనా సమయంలో తెలుగులో కూడా ఓటీటీలోకి వచ్చి హిట్ అయింది. ఈ సినిమాకు సీక్వెల్ కూడా ప్రకటించారు. సీక్వెల్ సినిమా ‘లూసిఫర్ 2 : ఎంపురాన్‌’ అనే టైటిల్‌ తో రాబోతుంది. తాజాగా ఈ సినిమా టీజర్ రిలీజ్ చేసారు.

టీజర్ చూస్తుంటే.. పార్ట్ 1 నుంచి లీడ్ తీసుకొని హీరో స్టీఫెన్ గట్టుపల్లి అప్పటి రాజకీయాలను ఎలా మార్చాడు అసలు అతని ఫ్లాష్ బ్యాక్ ఏంటి? అబ్రహం ఖురేషిగా ఎందుకు మారాడు? మళ్ళీ అబ్రహం ఖురేషీగా వచ్చినట్టు చూపించారు.దీంతో సినిమాపై మరిన్ని అంచనాలు పెరిగాయి. సినిమా పార్ట్ 1 కంటే ఇంకా స్టైలిష్ గా ఉండబోతుందని తెలుస్తుంది.

ఈ సినిమాని ఆశీర్వాద్ సినిమాస్, లైకా ప్రొడక్షన్స్ బ్యానర్స్ నిర్మిస్తున్నాయి.ఈ సినిమాలో మంజు వారియర్, టోవినో థామస్, ఇంద్రజిత్ సుకుమారన్..లాంటి స్టార్స్ నటిస్తున్నారు. పార్ట్ 1 మళయాళంలోనే రిలీజ్ అవ్వగా లూసిఫర్ 2 మాత్రం పాన్ ఇండియా రిలీజ్ చేయనున్నారు.ఈ సినిమాని మార్చ్ 27 రిలీజ్ చేయబోతున్నట్టు ప్రకటించారు.లూసిఫర్ పార్ట్ 1 సినిమాని చిరంజీవి గాడ్ ఫాదర్ గా రీమేక్ చేసిన సంగతి తెలిసిందే.