షార్జా ​లోని కొన్ని ప్రాంతాల్లో నీటి సరఫరాకు ఇబ్బందులు ఎదురవనున్నాయి. ముందస్తు హెచ్చరికలు లేకుండా నీటి సరఫరాలో ఇబ్బందులు కలగజేయడం పట్ల సార్జా వాటర్‌ అండ్‌ ఎలక్ట్రిసిటీ అథారిటీ (సెవా) స్పందించింది. నీటి సరఫరా సమస్యకు కారణం 32 ఇంచ్‌ల పైప్‌లైన్‌ అల్‌ఖాన్‌ ఏరియాలో పగిలిపోయిందనీ, దాంతో అల్‌ నహ్దా, అల్‌మంజర్‌, అల్‌ జజాజ్‌ అబు షాగారా ప్రాంతాల్లో సమస్యలు తలెత్తాయని వివరించింది. సిబ్బంది గత రెండు రోజులుగా ఈ సమస్యను పరిష్కరించేందుకు ప్రయత్నిస్తున్నట్లుగా అధికారులు వివరించారు. అయితే నీటి సమస్య కారణంగా నివాసితులు తీవ్ర ఇబ్బందులు ఎదుర్కొంటున్నారు. కొందరు సమీపంలోని తమ సన్నిహితుల ఇళ్ళకు వెళ్ళి స్నానాధికాలు పూర్తి చేసి, కార్యాలయాలకు వెళ్ళలాల్సి వస్తుందని వాపోతున్నారు. వాతావరణం వేడిగా ఉండటంతో నీటి అవసరం ఇంకా ఎక్కువవుతోందనీ ఈ సమయంలో నీటి సరఫరా సమస్య తమకు చాలా ఇబ్బందులకు గురిచేస్తోందని ఆయా ప్రాంతాల్లోని నివాసితులు చెప్పారు.