కమ్యూనికేషన్స్‌ రెగ్యులేటరీ అథారిటీ (సిఆర్‌ఎ), విహెచ్‌ఎఫ్‌ రేడియో, డ్యూయల్‌ బ్యాండ్‌ రేడియో వార్షిక లైసెన్సు ఫీజులను తగ్గించనున్నట్లు ప్రకటించింది. ఏడాదికి 500 ఖతారీ రియాల్స్‌ ఉన్న ఫీజుని 100 ఖతారీ రియాల్స్‌కి తగ్గించనున్నట్లు ఈ ప్రకటనలో పేర్కొంది. సిఆర్‌ఎ సూచనకు క్యాబినెట్‌ అప్రూవల్‌ లభించడంతో పీజుల్లో ఈ తగ్గుదల చోటుచేసుకోనుంది. చిన్న షిప్స్‌కి విహెచ్‌ఎఫ్‌ రేడియో, హంటింగ్‌ కోసం డ్యూయల్‌ బ్యాండ్‌ రేడియోకి ఈ ఫీజుల తగ్గింపు వర్తిస్తుంది. ఈ తగ్గింపుతో మరింతమంది లైసెన్సుల కోసం ముందుకు వస్తారని సిఆర్‌ఎ ప్రెసిడెంట్‌ మొహమ్మద్‌ అలి అల్‌ మన్నాయ్‌ చెప్పారు. రేడియో కమ్యూనికేషన్‌ ఎక్విప్‌మెంట్‌ని వినియోగించేవారెవరైనాసరే లైసెన్సుల్ని తప్పక తీసుకోవాల్సి ఉంటుంది. లేని పక్షంలో అది ఇల్లీగల్‌గా పరిగణింపబడుతుంది.