వినోద ప్రపంచంలో వివాదాలూ మామూలే. సినీరంగంలో ఒక్కోసారి పెద్ద హీరోలను కూడా కొన్ని కాంట్రవర్సీస్ చుట్టుముడతాయి. బాగా సాగుతున్న కెరీర్ లో వాటివల్ల టైం వేస్ట్ కావడంతో పాటు ఇమేజ్ కూడా దెబ్బతింటుంది. అయితే...అవన్నీ సర్దుకొని... మళ్లీ కెరీర్ నే కొనసాగించేవారూ ఉన్నారు. నిన్న మొన్నటివరకు బ్యాడ్ బాయ్ అనిపించుకున్న తమిళ హీరో శింబు ఇప్పుడు ఓ థ్రిల్లింగ్ మూవీతో ముందుకొస్తున్నాడు.ఇదు నమ్ ఆళు రిలీజ్ లేటైన టైంలో శింబు, గౌతమ్ మీనన్ డైరెక్షన్ లో ...అచ్చం ఎన్బదు మదమైఎద మూవీని కంప్లీట్ చేశాడు. ఇది రిలీజ్ కు రెడీగా ఉంది. తెలుగులో ఈ సినిమా... సాహసమే శ్వాసగా సాగిపో పేరుతో వస్తోంది. నాగచైతన్య హీరో. ఇదిలా ఉంటే ఇప్పుడు శింబు మరో మంచి ఛాన్స్ కొట్టేశాడు. ఆధిక్ రవిచంద్రన్ డైరెక్షన్ లో 'ఎఎఎ' అనే సినిమా చేస్తున్నాడు. ఇది వెరైటీ స్టోరీతో సాగే సైంటిఫిక్ థ్రిల్లర్. ఈ సినిమా పూర్తి పేరు 'అన్బానవన్..అసరాదవన్...అడంగాదవన్'. అంటే ...ప్రేమించేవాడు, భయపడనివాడు, లొంగనివాడు అని అర్ధం. ఈమధ్య రిలీజైన ఈ సినిమా ఫస్ట్ లుక్ పోస్టర్ కూడా చాలా థ్రిల్లింగ్ గా మూడు ముఖాలతో ఉంది. మరో విశేషమేమంటే... ఈ సినిమాలో కేరక్టర్ చేసేందుకు శింబు బాగా బరువు పెరుగుతున్నాడట. ఈ మూవీలో అతను ఒక జైంట్ మాన్ లా కనబడాల్సి ఉంది. అందుకోసం చాలా ప్రయత్నాలు చేస్తున్నాడని అంటున్నారు. ఈ పిక్చర్ శింబుకు టర్నింగ్ పాయింట్ కావచ్చని కూడా అంటున్నారు.