బరాక్-8 మిస్సైల్‌ను మన శాస్త్రవేత్తలు సక్సెస్‌ఫుల్‌గా ప్రయోగించారు. ఇవాళ ఒడిశాలోని చంధీపూర్‌లో ఉన్న ఇంటిగ్రేటెడ్ టెస్ట్ ఫైర్ రేంజ్ (ఐటీఎఫ్‌ఆర్)లోని మూడో లాంచ్‌ప్యాడ్ నుంచి విజయవంతంగా ప్రయోగించారు. క్షిపణి తనకు నిర్దేశించిన లక్ష్యాన్ని నిర్ణీత సమయంలో చేధించగలిగిందని ప్రయోగం తర్వాత అధికారులు తెలిపారు. బంగాళాఖాతంలో మానవరహిత విమానాన్ని క్షిపణి చేధించింది. భారత్-ఇజ్రాయెల్ సంయుక్తంగా ఈ క్షిపణిని రూపొందించాయి. ఉపరి తలం నుంచి గగనతలంలోని లక్ష్యాలను ఈ మధ్యంతర శ్రేణి క్షిపణి సునాయసంగా చేధించగలదు.