నగుమోముపై నల్లమచ్చలుంటే చందమామకే మచ్చ ఉంది. మనకెంత అని వదిలేయలేం కదా. మచ్చలు మాయం కావాలంటే ఓ చక్కని చిట్కా ఉంది. అదేమిటంటే దాల్చిన చెక్కను మెత్తగా పౌడరులా చేయండి. ఆ పొడిని ఒక గాజు పాత్రలో వేసి, అందులో కొంచెం తేనె కలపండి. మెత్తగా పేస్టులా తయారుచేయండి. కొంచెం నిమ్మరసం, పసుపు దానికి కలపండి. ఈ పేస్టుని ముఖానికి పట్టించి ముఖ్యంగా నల్ల మచ్చలున్నచోట పట్టించి సున్నితంగా మర్దనా చేయండి. రాత్రి ఈ దాల్చిన చెక్క పేస్ట్ రాసుకుని ఉదయంకల్లా గోరువెచ్చని నీటితో కడిగేయండి. నల్లమచ్చలు మూడో రోజే తగ్గడం, మరికొద్ది రోజులకు కనుమరుగవడం మీరు గమనిస్తారు. దీని కోసం మార్కెట్లో ఉండే కెమికల్స్ కలిసిన ఫేస్ క్రీములు వాడాల్సిన పనిలేదు.