మనామా: అంతర్జాతీయంగా ప్రఖ్యాతి పొందిన కళాకారుడు సర్ బ్రియాన్ క్లార్క్ చేత "కాన్కోర్డియా" పేరుతో ఒక ప్రధాన స్టెయిన్డ్ గ్లాస్ ఆర్ట్‌వర్క్‌ను ఏర్పాటు చేసినట్లు బహ్రెయిన్ అంతర్జాతీయ విమానాశ్రయం ప్రకటించింది. దీనిని ఈ వారంలో పనులు పూర్తవుతాయని తెలిపింది.  ఎత్తు 17 మీటర్లు, వెడల్పు 34 మీటర్లు (578 చదరపు మీటర్లు) ఉండే ఇది, ఈ ప్రాంతంలో ఈ రకమైన అతిపెద్ద స్టెయిన్డ్-గ్లాస్ ఇన్‌స్టాలేషన్‌లలో ఒకటిగా నిలుస్తుందని పేర్కొంది.

"బహ్రెయిన్ అంతర్జాతీయ విమానాశ్రయంలో సర్ బ్రియాన్ క్లార్క్ అసాధారణ ప్రతిభను ప్రదర్శించడం మాకు గౌరవంగా ఉంది" అని చీఫ్ ఎగ్జిక్యూటివ్ ఆఫీసర్ మొహమ్మద్ యూసిఫ్ అల్బిన్ఫాలా అన్నారు. ఈ ఇన్‌స్టాలేషన్ తమ టెర్మినల్ ఆకర్షణను మెరుగుపరచడమే కాకుండా బహ్రెయిన్ అంతర్జాతీయ విమానాశ్రయంలో ప్రయాణీకుల వినూత్న అనుభవాన్ని ఇస్తుందన్నారు.  విభిన్న సంస్కృతులకు కనెక్ట్ చేస్తుందని తెలిపారు.

ప్రపంచ ప్రఖ్యాతి గాంచిన, చిత్రకారుడు, వాస్తుశిల్పి కళాకారుడు అయిన సర్ బ్రియాన్ క్లార్క్ "ఆధునిక స్టెయిన్డ్ గ్లాస్ పితామహుడు" అని గుర్తింపు పొందారు.