కువైట్: భద్రత నిబంధనలు ఉల్లంఘించే, ఇబ్బందికరమైన శబ్దాలను విడుదల చేసే వాహనాలపై కఠిన చర్యలు తీసుకుంటామని అంతర్గత వ్యవహారాల మంత్రిత్వ శాఖ జనరల్ ట్రాఫిక్ విభాగం వెల్లడించింది. అటువంటి ఉల్లంఘనకు పాల్పడే ఏ వాహనాన్నైనా 60 రోజుల పాటు ట్రాఫిక్ ఇంపౌండ్‌మెంట్ గ్యారేజీలో జప్తు చేస్తామని, దాని డ్రైవర్‌పై చట్టపరమైన చర్యలు తీసుకుంటామని హెచ్చరించారు. ప్రయాణికులు, వాహనదారుల భద్రతను నిర్ధారించడం, సమాజ సౌకర్యాన్ని ప్రభావితం చేసే ప్రతికూల విషయాలను తగ్గించడం ఈ చట్టం ప్రధాన ఉద్దేశ్యం అని తెలిపారు. డ్రైవర్లు ట్రాఫిక్ చట్టాలు, నిబంధనలను పాటించాలని అంతర్గత వ్యవహారాల మంత్రిత్వ శాఖ పిలుపునిచ్చింది. ఉల్లంఘించిన వారిని అరెస్టు చేయడంతోపాటు చట్టానికి అనుగుణంగా వారిపై అవసరమైన చర్యలు తీసుకుంటామని హెచ్చరించారు.