యూఏఈ: బీరుట్ విమానాశ్రయం సమీపంలో ఐక్యరాజ్యసమితి తాత్కాలిక దళం (UNIFIL) వాహనాన్ని దహనం చేయడాన్ని యూఏఈ తీవ్రంగా ఖండించింది. కాగా ఈ ఘటనలో అంతర్జాతీయ దళం సభ్యుడికి గాయాలు అయ్యాయి. రాజకీయ వ్యవహారాల విదేశాంగ సహాయ మంత్రి లానా జాకీ నుస్సీబెహ్.. అంతర్జాతీయ దళాలపై దాడిని యూఏఈ తీవ్రంగా ఖండిస్తున్నట్లు తెలిపారు. శాంతి పరిరక్షక దళాలను లక్ష్యంగా చేసుకోవడం అంతర్జాతీయ చట్ట సూత్రాలను, యూఎన్ భద్రతా మండలి తీర్మానం నంబర్ 1701 నిబంధనలను ఉల్లంఘించడమేనని గుర్తుచేశారు.  లెబనాన్, దాని సార్వభౌమాధికారం , ప్రాదేశిక సమగ్రతకు యూఏఈ మద్దతును ఇస్తుందన్నారు.గాయపడినవారు త్వరగా కోలుకోవాలని ఆకాంక్షించారు.