రచయితలు మెగా ఫోన్‌ పట్టుకోవడం మామూలే. విజయవంతమైన చిత్రాలకు రచయితగా పనిచేసిన అనుభవంతో దర్శకులుగా రాణించారు కూడా. ఇప్పుడు ఆ జాబితాలో చేరడానికి మరో రచయిత ఉత్సాహం చూపిస్తున్నాడు. తనే... వెలిగొండ శ్రీనివాస్‌. 'ఢమరుకం', 'అఖిల్‌'లాంటి చిత్రాలకు రచయితగా పనిచేశారు వెలిగొండ. ఇప్పుడు కెప్టెన్‌ కుర్చీలో కూర్చోబోతున్నారు. ఇటీవలే రాజ్‌తరుణ్‌కి ఈ రచయిత ఓ కథ చెప్పారట. అది తరుణ్‌కి బాగా నచ్చింది. వెంటనే ఇందులో నటించడానికి గ్రీన్‌ సిగ్నల్‌ కూడా ఇచ్చేశారు. ఏకే ఎంటర్‌టైన్‌మెంట్స్‌ సంస్థ ఈ చిత్రాన్ని నిర్మించనుంది. త్వరలోనే పూర్తి వివరాలు బయటకు వస్తాయి.