కువైట్: మార్చి 1 నుండి అన్ని గవర్నరేట్లలో ఏర్పాటు చేసిన అన్ని తాత్కాలిక ఈవెంట్ హాళ్లను తొలగించడం ప్రారంభించనున్నట్లు కువైట్ మునిసిపాలిటీ వెల్లడించింది. తాత్కాలిక వివాహ మందిరాల లైసెన్స్‌లను దుర్వినియోగం చేయడం వల్ల ఈ నిర్ణయం తీసుకున్నట్లు ప్రజా సంబంధాల విభాగం డైరెక్టర్ ముహమ్మద్ అల్-సిందాన్ తెలిపారు. ఈ టెంట్లు మొదట పౌరులు తమ కార్యక్రమాలను నిర్వహించడానికి సామాజిక సేవను అందించడానికి ఉద్దేశించబడ్డాయని పేర్కొన్నారు. అదేసమయంలో అల్-సిందాన్ తాత్కాలిక ఈవెంట్ హాల్ యజమానుల సహకారాన్ని కూడా ప్రశంసించారు.వీరిలో చాలా మంది స్వచ్ఛందంగా తమ నిర్మాణాలను తొలగించడం ప్రారంభించారని పేర్కొన్నారు. మునిసిపాలిటీ ఆదేశాన్ని పాటించడానికి ప్రస్తుత వారంలోపు తొలగింపు ప్రక్రియను పూర్తి చేయాలని ఆయన వారిని కోరారు.