రియాద్: క్రౌన్ ప్రిన్స్, ప్రధాన మంత్రి మహమ్మద్ బిన్ సల్మాన్ అధ్యక్షతన స్పోర్ట్స్ బౌలేవార్డ్ ఫౌండేషన్ డైరెక్టర్ల బోర్డు రియాద్‌లో స్పోర్ట్స్ బౌలేవార్డ్ ప్రాజెక్ట్ మొదటి దశను ప్రారంభించినట్లు ప్రకటించింది. ప్రాజెక్ట్ ఐదు గమ్యస్థానాలు సందర్శకులకు ఆహ్వానం పలుకుతున్నాయి. ఈ ల్యాండ్‌మార్క్ ప్రాజెక్ట్‌లో ఐదు కీలక గమ్యస్థానాలు ఉన్నాయి. వాడి హనీఫా, ప్రొమెనేడ్, ప్రిన్స్ మొహమ్మద్ బిన్ సల్మాన్ బిన్ అబ్దులాజీజ్ రోడ్,  ప్రిన్స్ టర్కీ బిన్ అబ్దుల్ అజీజ్ అల్-అవ్వల్ రోడ్ సర్కిల్, ప్రిన్సెస్ నౌరా బింట్ అబ్దుల్‌రహ్మాన్ యూనివర్శిటీ ఇంటర్నల్ లూప్,  సాండ్స్ స్పోర్ట్స్ పార్క్ మొదటి దశ. వీటితో ప్రాజెక్ట్ మొత్తం పొడవు ఇప్పుడు 83 కి.మీలకు చేరుకుంది.  మొత్తం ప్రాజెక్టు పనులు 40 శాతానికి చేరుకున్నాయి.

స్పోర్ట్స్ బౌలేవార్డ్ ప్రాజెక్ట్ మొదటి దశ ప్రారంభోత్సవం నగర అభివృద్ధిలో భాగంగా రియాద్‌కు ఒక ప్రధాన మైలురాయిగా నిల్వనుంది. రెండు పవిత్ర మసీదుల సంరక్షకుడు కింగ్ సల్మాన్ మార్చి 19, 2019న ప్రారంభించిన ఈ ప్రాజెక్ట్ క్రౌన్ ప్రిన్స్ కితమైన శ్రద్ధ, మద్దతును అందిస్తున్నారు.

రియాద్ గ్లోబల్ ర్యాంకింగ్‌ను మెరుగుపరచడానికి స్పోర్ట్స్ బౌలేవార్డ్ ప్రపంచంలోని అత్యంత నివాసయోగ్యమైన గమ్యస్థానాలలో ఒకటిగా చేర్చాడాన్ని లక్ష్యంగా పెట్టుకుంది. భౌతిక, మానసిక, సామాజిక శ్రేయస్సును ప్రోత్సహించడం ద్వారా సౌదీ విజన్ 2030ని ముందుకు తీసుకెళ్లడంలో ఇది కీలక పాత్ర పోషిస్తుందని,  నివాసితులు, సందర్శకులు అధిక నాణ్యత గల జీవితాన్ని, ఆరోగ్యకరమైన జీవనశైలిని, ఆహ్వానించదగిన వాతావరణాన్ని ఆస్వాదించగల శక్తివంతమైన కమ్యూనిటీని ప్రోత్సహిస్తుందన్నారు.

 ప్రాజెక్ట్ మొదటి దశ పశ్చిమ రియాద్‌లో ఉన్న వాడి హనీఫా. 13.4 కి.మీ విస్తరించి, ఇది ఉత్తరాన అల్-ఓలాబ్ డ్యామ్ నుండి దక్షిణాన జెడ్డా రోడ్ వరకు విస్తరించి, దిరియా గేట్ ప్రాజెక్ట్ గుండా వెళుతుంది. వాడి హనీఫాను ప్రొమెనేడ్‌కి సజావుగా కలుపుతూ సైక్లింగ్ బ్రిడ్జ్ ఉంది. ఇది ప్రాజెక్ట్ అత్యంత ప్రసిద్ధ మైలురాళ్లలో ఒకటి. ఇది కింగ్ ఖలీద్ రోడ్, ప్రిన్స్ మొహమ్మద్ బిన్ సల్మాన్ బిన్ అబ్దులాజీజ్ రోడ్ సర్కిల్ లో ఉంది. బ్రిడ్జీ లో భాగంగా 1 కిమీ పాదచారుల మార్గం, 771 మీటర్ల సైక్లింగ్ మార్గంగా నిర్ణయించారు.  ప్రొమెనేడ్ 4 కి.మీ విస్తరించి ఉంటుంది.  స్పోర్ట్స్ బౌలేవార్డ్ అర్బన్ డిజైన్ కోడ్‌ ఆధారంగా నిర్మించారు. ఇందులో సైక్లిస్టుల కోసం విశ్రాంతి స్టాప్‌లు, పచ్చని ప్రదేశాలు, నీటి ఫీచర్లు, నడక మార్గాలు, పిల్లల ఆట స్థలాలు, సైకిల్ అద్దెలు, ఉపకరణాల కోసం రిటైల్ అవుట్‌లెట్‌లు, ప్రత్యేక కేంద్రాల ఎంపికతో పాటు ప్రొఫెషనల్‌లు,  ఔత్సాహికుల కోసం ప్రత్యేక సైక్లింగ్ మార్గాలను అందిస్తుంది. 300 మీటర్ల విస్తీర్ణంలో ప్రిన్స్ మొహమ్మద్ బిన్ సల్మాన్ బిన్ అబ్దులాజీజ్ రోడ్, ప్రిన్స్ టర్కీ బిన్ అబ్దుల్ అజీజ్ అల్-అవ్వల్ రోడ్ సర్కిల్ లో ఉన్న ప్రాంతం ఆర్ట్స్ టవర్‌ను కలిగి ఉంది. ఈ ప్రాజెక్ట్ ప్రిన్సెస్ నౌరా బింట్ అబ్దుల్‌రహ్మాన్ విశ్వవిద్యాలయంలో 20 కి.మీ అంతర్గత లూప్ ట్రాక్‌ను కలిగి ఉంది. ఇది ప్రత్యేకమైన సైక్లింగ్, పాదచారుల మార్గాలతో రూపొందించారు. ఇది విశ్వవిద్యాలయ సౌకర్యాలను సజావుగా కలుపుతుందని, విద్యార్థులు, సిబ్బంది, ప్రజల అవసరాలను తీర్చుతుందని వెల్లడించారు.  ప్రాజెక్ట్ మొదటి దశలో ఐదవ పూర్తయిన గమ్యస్థానమైన సాండ్స్ స్పోర్ట్స్ పార్క్ కింగ్ ఖలీద్ అంతర్జాతీయ విమానాశ్రయానికి ఆగ్నేయంగా ఉంది.