బహ్రెయిన్ లో రమదాన్ సందర్భంగా నేమహ్ సొసైటీ అనే మతప్రమేయం లేని స్వచ్చంద సంస్థకు చెందిన వాలెంటీర్లు ఇల్లు, రెస్టారెంట్లలో మిగిలిన ఎంగిలిచేయబడని ఆహారాన్ని సేకరిoచి, మరల ప్యాక్ చేసి వాటిని అవసరమైన వారికి అందజేస్తున్నారు. ఈ సొసైటీ ఉపాద్యక్షులు అహ్మద్ అల్ మహ్మూద్ మాట్లాడుతూ, గత సంవత్సరం రమదాన్ లో 3400 భోజనాలు అందించామని, ఈ సంవత్సరం రమదాన్ మధ్యలోనే ఈ సంఖ్యకు చేరగలగడం ఆనందంగా ఉందన్నారు.  గత ఫెబ్రవరిలో ఏర్పడిన ఈ సంస్థ ఇప్పటివరకు 10, 000 మందికి అన్నదనం చేసిందని, అందుకు తోడ్పడిన శ్రేయోభిలాషులకు, అందరికీ కృతజ్ఞతలు తెలియజేశారు. ఈ కార్యక్రమం సంవత్సరమంతా కొనసాగిస్తామని కూడా తెలిపారు. వాలంటీర్లు కావాలనుకునేవారు - ఇన్స్టగ్రాం ఐ డి - @ne3mahsave కు, దానం చేయాలనుకునేవారు - ఫోన్ నంబర్లు - 39674786 లేదా 36660009 కు సంప్రదించవచ్ఛని తెలిపారు.

--యం.వాసుదేవ్ రావు(మాగల్ఫ్ ప్రతినిధి,బహ్రెయిన్)