దుబాయ్: టెయిల్‌గేటింగ్ నేరాలను పర్యవేక్షించడానికి, జరిమానాలు జారీ చేయడానికి దుబాయ్ పోలీసులు ఇప్పుడు రాడార్‌లను ఉపయోగించనున్నారు. వాహనదారులు ముందు ఉన్న వాహనాల నుండి తగినంత దూరం ఉండేలా చూసేందుకు పోలీసులు అవగాహన ప్రచారాలను చేపట్టారు. "ఇది ఒకప్పుడు కేవలం హెచ్చరిక సందేశం మాత్రమే" అని ఒక పోలీసు అధికారి తెలిపారు. "ఇప్పుడు జరిమానాలు ఉంటాయి." అని హెచ్చరించారు.   

టెయిల్‌గేటింగ్‌కు 400 దిర్హామ్‌ల జరిమానా,  నాలుగు బ్లాక్ పాయింట్లను విధిస్తారు. గత సంవత్సరం, టెయిల్‌గేటింగ్‌తో సహా బహుళ ట్రాఫిక్ నేరాలకు 30 రోజుల వరకు వాహనాలను జప్తు చేస్తామని పోలీసులు చెప్పారు. రాడార్‌లో విలీనం చేయబడిన ఏఐ సాంకేతికతలను ఉపయోగించి ఈ ఉల్లంఘనలను పర్యవేక్షించడానికి ట్రయల్ పీరియడ్ నిర్వహించినట్టు ట్రాఫిక్ టెక్నాలజీ డిపార్ట్‌మెంట్ డైరెక్టర్ బ్రిగేడియర్ ఇంజనీర్ మొహమ్మద్ అలీ కరం తెలిపారు.  

టెయిల్‌గేటింగ్‌తో పాటు అధిక శబ్దాన్ని కలిగించే వాహనాన్ని నడపడం సహా దుబాయ్‌లో అనేక ఇతర ట్రాఫిక్ ఉల్లంఘనలను రాడార్లు పర్యవేక్షిస్తాయి. ఈ అధునాతన రాడార్లు సౌండ్ పరిమితులను కూడా పర్యవేక్షిస్తాయి. ఉల్లంఘించినందుకు జరిమానా Dh2,000 జరిమానాతోపాటు డ్రైవర్ రికార్డులో 12 బ్లాక్ పాయింట్లను విధిస్తామని హెచ్చరించారు.   

స్పీడ్ కు సంబంధించిన జరిమానాలు

గంటకు 80 కి.మీ కంటే ఎక్కువ గరిష్ట వేగ పరిమితిని మించితే: దిర్హం 3,000 జరిమానా, 60 రోజుల వాహన జప్తు, 23 బ్లాక్ పాయింట్లు

గంటకు 60 కి.మీ కంటే ఎక్కువ: దిర్హం 2,000 జరిమానా, 20 రోజుల వాహన జప్తు, 12 బ్లాక్ పాయింట్లు

గంటకు 50 కి.మీ కంటే ఎక్కువ: దిర్హం 1,000 జరిమానా

గంటకు 40 కి.మీ కంటే ఎక్కువ: దిర్హం 700 జరిమానా

గంటకు 30 కి.మీ కంటే ఎక్కువ: దిర్హం 600 జరిమానా

గంటకు 20 కి.మీ కంటే ఎక్కువ: దిర్హం 300 జరిమానా

ట్రాఫిక్ సిగ్నల్స్: రెడ్ లైట్ దూకడం వల్ల దిర్హం 1,000 జరిమానా, 30 రోజుల వాహన జప్తు,  12 బ్లాక్ పాయింట్లు విధించబడతాయి.

లేన్ ఉల్లంఘనలు: తప్పనిసరి లేన్‌ను పాటించడంలో విఫలమైతే Dh400 జరిమానా విధించబడుతుంది. అయితే లేన్ పరిమితులను పాటించకపోతే Dh1,500 జరిమానా,  12 బ్లాక్ పాయింట్లు విధించబడతాయి.

ట్రాఫిక్‌కు విరుద్ధంగా డ్రైవింగ్ చేయడం: ఈ ఉల్లంఘనకు Dh600 జరిమానా, 7 రోజుల వాహన జప్తు,  4 బ్లాక్ పాయింట్లు విధించబడతాయి.

 సీట్ బెల్ట్ , డిస్ట్రాక్షన్: సీట్ బెల్ట్ ధరించకపోతే Dh400 జరిమానా.. 4 బ్లాక్ పాయింట్లు విధించబడతాయి. డ్రైవింగ్ చేస్తున్నప్పుడు ఫోన్‌ను ఉపయోగిస్తే Dh800 జరిమానా,  4 బ్లాక్ పాయింట్లు విధించబడతాయి. అనుమతించబడిన స్థాయిలకు మించి విండోలను టింటింగ్ చేయడం వలన Dh1,500 జరిమానా విధించబడుతుంది.

పాదచారుల ప్రాధాన్యత: నియమించబడిన క్రాసింగ్‌ల వద్ద పాదచారులకు ప్రాధాన్యత ఇవ్వడంలో విఫలమైతే Dh500 జరిమానా, 6 బ్లాక్ పాయింట్లు విధించబడతాయి.

టర్నింగ్ ఉల్లంఘనలు: పేర్కొనబడని ప్రదేశం నుండి మలుపు తిరిగితే దిర్హామ్‌లు 500 జరిమానా, 4 బ్లాక్ పాయింట్లు విధించబడతాయి.

గడువు ముగిసిన రిజిస్ట్రేషన్: గడువు ముగిసిన రిజిస్ట్రేషన్‌తో వాహనం నడిపితే దిర్హామ్‌లు 500 జరిమానా, 4 బ్లాక్ పాయింట్లు విధించబడతాయి.

స్టాపింగ్ వయేలేషన్స్: కారణం లేకుండా రోడ్డు మధ్యలో ఆపితే దిర్హామ్‌లు 1,000 జరిమానా, 6 బ్లాక్ పాయింట్లు విధించబడతాయి. నిషేధిత ప్రాంతాలలోకి ప్రవేశించే భారీ వాహనాలకు దిర్హామ్‌లు 4 జరిమానా, 4 బ్లాక్ పాయింట్లు విధించబడతాయి. అడ్డంకి కలిగించే వాహనాల వెనుక ఆపితే దిర్హామ్‌లు 500 జరిమానా విధించబడుతుంది.