ఆసియాకి చెందిన ఇద్దరు వ్యక్తులు నబిన్‌ సలేహ్‌ వద్ద జరిగిన ఘోర రోడ్డు ప్రమాదంలో మృతి చెందారు. ఈ ఘటనలో మరో ఎనిమిది మంది తీవ్రంగా గాయపడ్డారు. షేక్‌ జబెర్‌ అల్‌ అహ్మద్‌ అల్‌ సభా హైవేపై ఈ ప్రమాదం జరిగినట్లు ఇంటీరియర్‌ మినిస్ట్రీ ఓ ప్రకటనలో వెల్లడించింది. ఈ ప్రమాదంలో నాలుగు వాహనాలు ధ్వంసమయ్యాయి. బహ్రెయినీ డ్రైవర్‌ కారణంగా ఈ ప్రమాదం చోటు చేసుకుంది. వేగంగా వాహనాన్ని నడుపుతున్న బహ్రెయినీ డ్రైవర్‌ వాహనం మీద అదుపు కోల్పోవడంతో, అపోజిట్‌ లేన్‌లోకి దూసుకుపోయింది ఆ వాహనం. దాన్ని ఎదురుగా వస్తున్న వాహనాలు ఢీకొనడంతో ప్రమాదం చోటుచేసుకుంది.