వెజిటబుల్ పాపడ్ రోల్స్
- December 13, 2017కావలసిన పదార్థాలు: మినప్పప్పు అప్పడాలు - 8, క్యారెట్ - ఒకటి, బంగాళదుంప - ఒకటి, ఫ్రెంచ్ బీన్స్ - ఆరు, క్యాలీఫ్లవర్ - వంద గ్రాములు, టొమాటో - ఒకటి, పసుపు - అర చెంచా, కారం - అర చెంచా, కొత్తిమీర - చెంచా, ఉప్పు - తగినంత, నూనె - వేయించడానికి సరిపడా.
తయారుచేయు విధానం: ముందుగా క్యారెట్, బంగాళదుంప, ఫ్రెంచ్ బీన్స్, క్యాలీఫ్లవర్లను చిన్న చిన్న ముక్కలుగా కోసి పెట్టుకోవాలి. వీటన్నింటినీ ఓ పాత్రలో వేసి అందులో కాసింత ఉప్పు వేసి ఉడకబెట్టుకోవాలి. తరువాత అందులో నీటిని వడబోసి ముక్కలను ఆరబెట్టాలి. ఓ పాత్రలో కాసింత నూనె వేసి టొమాటోను దోరగా వేయించాలి. ఇప్పుడు అందులో ఉడకబెట్టిన కూరగాయ ముక్కలను వేసి మరికొంతసేపు వేయించాలి. అందులో పసుపు, కారం వేసి బాగా కలపాలి. చివరగా కొత్తిమీర వేసి పొయ్యిమీద నుంచి దించి పక్కన పెట్టుకోవాలి. అప్పడాలను ముందుగా కాసేపు నీటిలో ముంచి తీయాలి. దీనివల్ల అవి విరిగిపోకుండా ఉంటాయి. మెత్తబడిన అప్పడం మధ్యలో సిద్ధంగా ఉన్న కూరగాయల మిశ్రమాన్ని వేసి దోశలాగా చుట్టుకొని చివర్లు మూసివేయాలి. ఓ బాణలిలో తగినంత నూనె వేసి అది బాగా వేడెక్కాక అప్పడాలు వేసి దోరగా వేయించాలి. అంతే- వెజిటబుల్ పాపడ్ రోల్స్ రెడీ! వీటిని వేడిగా ఉన్నప్పుడే తింటే మరింత రుచిగా ఉంటాయి.
తాజా వార్తలు
- మే నెలలో పెరగనున్న పెట్రోల్, డీజిల్ ధరలు
- విద్యార్థులపై లైంగిక వేధింపులు.. టీచర్కు 15 ఏళ్ల జైలుశిక్ష
- మనీలాండరింగ్..పౌరులు, ప్రవాసుడు అరెస్ట్
- నాలెడ్జ్ ఒమన్ అకాడమీ ప్రారంభం
- వేసవి కొత్త సీజన్ ప్రారంభం.. 40°Cకు ఉష్ణోగ్రతలు
- భారీ వర్షాలు.. నివాసితుల ముందస్తు జాగ్రత్తలు..!
- పారిశ్రామిక చట్టాల ఉల్లంఘన..11సంస్థలు మూసివేత
- తెలంగాణ పదో తరగతి ఫలితాలు విడుదల.. ఇలా చెక్ చేసుకోండి..
- తెలంగాణ: వడదెబ్బకు ఐదుగురు మృతి.. ఇవాళ, రేపు జాగ్రత్త
- తెలంగాణలో ప్రధాని మోదీ భారీ బహిరంగ సభ.. ఏర్పాట్లు పూర్తి