యూఏఈ: తెలుగింటి ఆడపడుచుల 'ఆవకాయ' వర్క్ షాప్
- May 07, 2019యూఏఈ లో ఉన్న తెలుగు వనితలు 15 మంది ఆవకాయ వర్క్ షాప్ ఏర్పాటు చేసుకుని పలురకాల మామిడికాయ ఊరగాయలు నేర్చుకుని పెట్టుకోవడం విశేషం. మన దేశం దాటి వచ్చాక అమ్మల చేతనో అత్తగార్ల చేతనో పెట్టించుకున్న ఊరగాయలు ప్యాక్ చేయించుకోవడమే కాని మన ఊరిలో మనవారితో కలిసి వేసవిలో ఒక వేడుకలా చేసుకునే ఆవకాయ పెట్టే అవకాశం కోల్పోతున్నామని భావించి శ్రీమతి వసంతలక్ష్మీ ప్రస్తావించగా, నేర్చుకోవాలని ఉందని 15 మంది వనితలు సంకల్పించారు. ఎవరికి వారు విడివిడిగా కాకుండా అక్కాచెల్లెళ్ళలాగా కలిసి ఆవకాయ పెట్టుకోవాలని నిర్ణయించుకున్నారు.
కావలసిన సామగ్రి కొనుగోలు చేసుకుని షార్జా వాస్తవ్యులైన శ్రీమతి లక్ష్మీ కామేశ్వరి ఇంట మే 4, 2019న అందరు సమావేశమయ్యారు. రకరకాల ఊరగాయలలో నేర్పరి అయిన శ్రీమతి లక్ష్మీ పణ్యాల సూచనలతో వారి ఆధ్వర్యంలో 4-5 రకాల ఆవకాయలు పెట్టుకున్నారు.
రెడిమేడ్ ఆవకాయలు దొరుకుతున్నాయని మన పెద్దలనుండి ఊరగాయలు పెట్టే కళ ఈ తరం వారు నేర్చుకుని ప్రతి ఏటా స్వయంగా ఆవకాయలు పెట్టుకోకపోతే మున్ముందు తరాలకి ఈ విద్య అసలు రాకుండపోయే ప్రమాదముంది. యూట్యూబ్ విడియోలు చూసి పెట్టుకోవడం సుళువే అయినా కుటుంబంతో కలిసి ఊరగాయలు పెట్టుకునే ఆనందమే వేరు. వేరే దేశాలలోనే పుట్టి పెరుగుతున్న నవతరంకి ఇదంతా తెలియాలంటే ముందు మనం కలిసి ఆవకాయ పెట్టుకోవడం మొదలు పెట్టాలి అని శ్రీమతి వసంతలక్ష్మీ భావించారు. స్నేహితురాళ్ళతో కలిసి ఆవకాయ పెట్టుకుని ఆ అనుభవం ఆనందం పొందాము అని పాల్గొన్న వనితలు హర్షం వ్యక్తపరిచారు. ఈ సారి మా అమ్మకి/అత్తకి మేమే అవకాయలు పెట్టి ఇస్తాము అని అన్నారు.
పరాయి దేశంలో ఉన్నా మన సంప్రదాయాలని నిలబెట్టాలని ప్రయత్నిస్తున్న ఈ తెలుగు వనితలు అభినందనీయులు.
తాజా వార్తలు
- రేపు రాజమండ్రికి మోడీ రాక..ట్రాఫిక్ ఆంక్షలు
- పార్కులు, ప్లేగ్రౌండ్ల కోసం కొత్త సమయాలు
- కువైట్లో బ్యాచిలర్లకు కొత్త కష్టాలు..!
- QR247 మిలియన్లు తిరిగి చెల్లించాలని సీఈఓను ఆదేశించిన కోర్టు
- 2023లో 99%కి చేరుకున్న సౌదీ ఇంటర్నెట్ వినియోగం
- మస్కట్ అంతర్జాతీయ విమానాశ్రయం.. అగ్రస్థానంలో భారతీయులు
- దుబాయ్ గ్లోబల్ విలేజ్ సీజన్..మరో 3 రోజులు పొడిగింపు
- పాకిస్థాన్లో అధికారికంగా ప్రారంభమైన యోగా
- నరేంద్ర మోడీ మరోసారి ప్రధాన మంత్రి కావాలి..గల్ప్ కార్మికుల మద్దతు..!
- ప్రత్యేక లేబర్ డే ట్రీట్.. 16 మంది కార్మికులకు అరుదైన అవకాశం