ఇరాక్‌ రాజధాని బాగ్దాద్‌లో ఇస్లామిక్‌ స్టేట్‌ ఉగ్రవాదులు సృష్టించిన మారణకాండ నేపథ్యంలో ఆ దేశ హోంశాఖ శాఖ మంత్రి మహ్మద్‌ గబ్బాన్‌ రాజీనామా చేశారు. ఈ మేరకు తన రాజీనామా పత్రాన్ని ప్రధానమంత్రికి సమర్పించినట్లు గబ్బాన్‌ తెలిపారు. బాగ్దాద్‌లో దాడికి పాల్పడేందుకు ఉపయోగించిన వాహనం సెక్యూరిటీ చెక్‌పాయింట్‌ను దాటి నగరంలోకి వచ్చిందని ఆయన అన్నారు. నగరానికి కీలకమైన చెక్‌పాయింట్లు భద్రతవిషయంలో విఫలమయ్యాయని ఆయన ఆరోపించారు.
బాగ్దాద్‌లోని రద్దీ వ్యాపార సముదాయాల్లో శనివారం రాత్రి ఆత్మాహుతి దాడులు జరిగిన విషయం తెలిసిందే. ఈ ఘటనలో 200 మందికి పైగా గాయపడ్డారు. దాడికి బాధ్యత వహిస్తూ.. ఇస్లామిక్‌ స్టేట్‌ ప్రకటించింది.