రియాద్: సౌదీ అరేబియాలో నిబంధనలు ఉల్లంఘించే హోటల్స్ పై అధికారులు కొరడా ఝులిపిస్తున్నారు. ముఖ్యంగా పర్యాటక చట్టం నిబంధనలను ఉల్లంఘించేవారిపై చట్టబద్ధమైన జరిమానాలను విధిస్తున్నట్లు పర్యాటక మంత్రిత్వ శాఖ తెలిపింది. పర్యాటక మంత్రిత్వ శాఖ నుండి లైసెన్స్ లేకుండా పనిచేసే ఏదైనా సంస్థకుగరిష్టంగా SR1 మిలియన్ జరిమానా, మూసివేత లేదా రెండూ ఉంటాయని హెచ్చరించింది.

కాగా, గతంలో చర్యలు తీసుకున్న వాటిలో తనిఖీలు చేస్తున్నామని, నిబంధనలు పాటించేవాటికి మళ్లీ అనుమతి ఇస్తున్నామని వెల్లడించింది. సందర్శకులు, పర్యాటకుల భద్రత తమ లక్ష్యమని స్పష్టం చేసింది.   మంత్రిత్వ శాఖ అధికారిక వెబ్‌సైట్‌ను సందర్శించడం ద్వారా..ఎలక్ట్రానిక్ లైసెన్సింగ్ పోర్టల్ ద్వారా లైసెన్స్‌లను పొందేందుకు దరఖాస్తు చేసుకోవాలని సూచించారు. లేదా యూనిఫైడ్ టూరిజం సెంటర్‌ను నేరుగా సంప్రదించడం ద్వారా అవసరమైన మద్దతును పొందవచ్చన్నారు.