వాషింగ్టన్ : సౌదీ విదేశాంగ మంత్రి ప్రిన్స్ ఫైసల్ బిన్ ఫర్హాన్ మంగళవారం వాషింగ్టన్‌లోని విదేశాంగ శాఖలో అమెరికా విదేశాంగ కార్యదర్శి మార్కో రూబియోతో సమావేశమయ్యారు. రెండు దేశాల మధ్య వ్యూహాత్మక భాగస్వామ్యంపై ఇద్దరు అధికారులు సమీక్షించారు.  వివిధ రంగాలలో ద్వైపాక్షిక సహకారాన్ని మరింత బలోపేతం చేయడానికి మార్గాలను చర్చించారు.

గాజా, సూడాన్, యెమెన్ పరిణామాలు, కొనసాగుతున్న రష్యా-ఉక్రెయిన్ వివాదంతో సహా పరస్పర ఆందోళన కలిగించే ప్రాంతీయ, అంతర్జాతీయ అంశాలపై సమన్వయం, ఉమ్మడి ప్రయత్నాలను తీవ్రతరం చేయడం ప్రాముఖ్యతను ఈ సమావేశంలో చర్చించారు.  వీటితోపాటు  కీలక అంశాలపై ఇరుపక్షాలు తమ అభిప్రాయాలను షేర్ చేసుకున్నారు.