ఫేస్‌బుక్‌ కూడా యూట్యూబ్‌ బాటలోనే ఆఫ్‌లైన్‌ వీడియో సేవలను అందించేందుకు ప్రయత్నాలు ప్రారంభించింది. దీనికోసం ఆఫ్‌లైన్‌ వీడియో టెస్టింగ్‌ జరుపుతున్నట్లు తెలిపింది. జులై 11 నుంచి భారత్‌లో ఎంపిక చేసిన కొంత మందితో ఈ ఫీచర్‌ను పరీక్షించనుంది. ఇంటర్నెట్‌ సదుపాయం అందుబాటులో ఉన్న సమయంలో తమ యాప్‌ ద్వారా వీడియోను డౌన్‌లోడ్‌ చేసుకుని.. తర్వాత చూసే విధంగా చేసిన మార్పులను పరిశీలిస్తామని ఫేస్‌బుక్‌ ఈమెయిల్‌ ద్వారా వెల్లడించింది. భారత్‌కు ఫేస్‌బుక్‌కు ప్రధాన మార్కెట్‌.. అలాగే ఇంటర్నెట్‌ కనెక్ట్‌విటీలో ఇక్కడి ప్రజలు ఇబ్బందులు ఎదుర్కొంటున్న నేపథ్యంలో ఈ సేవలను అందుబాటులోకి తెస్తోంది.