2015లో ప్రైవేటు సెక్టార్‌లో సౌదీ మహిళలు, పురుషుల సంఖ్య గణనీయంగా పెరిగిందని ఓ లోకల్‌ పబ్లికేషన్‌ పేర్కొంది. ఈ పెరుగుదల 10 శాతంగా అంచనా వేశారు. సౌదీ ప్రైవేట్‌ సెక్టార్‌లో 1.738 మిలియన్‌ మంది కార్మికులు పనిచేస్తున్నట్లు తేలింది. 2014తో పోల్చితే ఈ సంఖ్య 188,986 అదనం. ప్రైవేట్‌ సెక్టార్‌లో పనిచేస్తున్నవారిలో పురుషుల సంఖ్య 1.239 (71 శాతం) కాగా, మహిళల సంఖ్య 499,000 (29 శాతం)గా నమోదైంది. సౌదీ అరేబియన్‌ మానిటరీ ఏజెన్సీ (సమా) ఈ వివరాల్ని వెల్లడించింది. ప్రైవేట్‌ సెక్టార్‌లో ఉద్యోగాలు కల్పించడానికి సంబంధించి రియాద్‌ ముందంజలో ఉంది. 38 శాతం మంది వర్కర్స్‌తో (మొత్తం కార్మికుల్లో 38 శాతం) రియాద్‌ ఈ గౌరవం దక్కించుకుంది. ఆ తర్వాతి స్థానం ఈస్టర్న్‌ ప్రావిన్స్‌ది. మూడో స్థానంలో మక్కా నిలిచింది.