యూఏఈ: యూఏఈలో ఇంధన ధరలు స్వల్పంగా పెరిగాయి.ఈ మేరకు ఇంధన ధరల పర్యవేక్షణ కమిటీ కొత్త ధరలను ప్రకటించింది.ఏప్రిల్‌లో ఉన్న ధరలతో పోలిస్తే ధరలను కొద్దిగా పెంచింది.

ఇంధన మంత్రిత్వ శాఖ ఆమోదించిన ఇంధన ధరలను ప్రతి నెలా నిర్ణయిస్తారు. పంపిణీ సంస్థల నిర్వహణ ఖర్చులను జోడించిన తర్వాత, సగటు ప్రపంచ చమురు ధర ప్రకారం ఇంధన ధరలను పెంచడం లేదా తగ్గంచడం చేస్తారు.  

ఇక తాజాగా పెరిగిన ఇంధన ధరలు మే 1 నుండి అమల్లోకి వచ్చాయి.   ప్రస్తుతం యూఏఈలో సూపర్ 98 Dh2.58(ఏప్రిల్ ధరల Dh2.57),  స్పెషల్ 95 Dh 2.47 (Dh2.46), ఇ-ప్లస్ 91 Dh 2.39 (Dh 2.38) గా నిర్ణయించారు.

మీరు నడిపే వాహనం రకాన్ని బట్టి, మే నెలలో ఫుల్ ట్యాంక్ పెట్రోల్ పొందడానికి గత నెల కంటే 0.51,  0.74 మధ్య ఎక్కువ ఖర్చవుతుందని వాహన రంగ నిపుణులు తెలిపారు.