మదీనా: హజ్ బలి జంతు వధ (హదీ)ను రుసుముకు అందిస్తున్నట్లు తప్పుగా పేర్కొంటూ వ్యక్తులను మోసం చేసినందుకు మదీనా పోలీసులు నలుగురు ఇండోనేషియా నివాసితులను అరెస్టు చేశారు. వారిపై అవసరమైన చట్టపరమైన చర్యలు తీసుకున్న తర్వాత నిందితులను పబ్లిక్ ప్రాసిక్యూషన్‌కు అప్పగించారు.

హదీ బలిదానాలు అందించడం, హజ్ బ్రాస్‌లెట్‌లను అమ్మడం, రవాణాను ఏర్పాటు చేయడం వంటి మోసపూరిత సోషల్ మీడియా ప్రకటనల గురించి పబ్లిక్ సెక్యూరిటీ హెచ్చరించింది. తరచుగా నకిలీ వ్యక్తులు, సంస్థలు ఈ ప్రకటనలను జారీ చేస్తాయని పేర్కొన్నారు. నిబంధనలను ఉల్లంఘించిన వారిపై కఠిన చర్యలు తీసుకుంటామని హెచ్చరించింది.

సౌదీ పౌరులు, నివాసితులు హజ్ నిబంధనలను పాటించాలని కోరారు. మక్కా, మదీనా, రియాద్, తూర్పు ప్రావిన్స్ ప్రాంతాలలో 911 కు.. ఇతర ప్రాంతాలలో 999 కు కాల్ చేయడం ద్వారా హజ్ నిబంధనల ఉల్లంఘనలను నివేదించాలని పిలుపునిచ్చింది.