బహ్రెయిన్‌లోని 90 రెస్టారెంట్లకు టూరిజం రెస్టారెంట్స్‌ అనే గౌరవం దక్కనుంది. ఎంపిక చేయబడ్డ రెస్టారెంట్స్‌లో సాధారణ రెస్టారెంట్లకు భిన్నంగా అతిథులకు మెరుగైన సౌకర్యాలు అందనున్నాయి. బహ్రెయిన్‌ టూరిజం అండ్‌ ఎగ్జిబిషన్స్‌ అథారిటీ (బిటిఇఓ) ఈ టూరిజం రెస్టారెంట్స్‌ని అతిథులకు పరిచయం చేసేందుకు పలు కార్యక్రమాలు చేపడుతోంది. 1986 చట్టం 15 ప్రకారం రూపొందించబడ్డ నిబంధనలకు అనుగుణంగా అనుమతులు పొందిన, సౌకర్యాలు కలిగిన రెస్టారెంట్లు పర్మిషన్స్‌ పొందగలరనీ, వినియోగదారులు ఇక్కడ చెల్లించే రుసుములన్నీ చట్టబద్ధంగానే ఉంటాయని డైరెక్టర్‌ హేషమ్‌ అల్‌ సకెన్‌ చెప్పారు. ఇంకో వైపున నాన్‌ టూరిజం రెస్టారెంట్స్‌ సర్వీసు ఛార్జిలను అదనంగా పొందేందుకు వీలు లేకుండా బ్యాన్‌ విధించారు. నిబంధనల్ని ఉల్లంఘించే రెస్టారెంట్లపై 10,000 దిర్హామ్‌ల వరకు జరీమానా విధించే అవకాశం ఉంది.