నంద‌మూరి బాల‌కృష్ణ‌, ద‌ర్శ‌కుడు బోయ‌పాటి శ్రీను కాంబినేష‌న్‌లో వ‌చ్చిన ‘అఖండ’ చిత్రం ఎంత‌టి సంచల‌నం సృష్టించిందో ప్ర‌త్యేకంగా చెప్పాల్సిన పనిలేదు.ఇక ఈ చిత్రానికి సీక్వెల్‌గా ‘అఖండ 2’ వ‌స్తోంది.ఈ చిత్రం పై ప్రేక్ష‌కుల్లో భారీ అంచ‌నాలే ఉన్నాయి.

నట సింహం బాలయ్య బర్ డే జూన్ 10వ తేదీ.ఈ క్ర‌మంలో అంత‌కు ఒక రోజు ముందే ఫ్యాన్స్‌కు పూన‌కాలు తెప్పించింది అఖండ 2 చిత్ర బృందం.తాజాగా టీజ‌ర్‌ను విడుద‌ల చేసింది.

బాల‌య్య త‌న‌దైన శైలిలో డైలాగ్స్‌తో అద‌ర‌గొట్టారు.‘నా శివుడి అనుమ‌తి లేనిదే..ఆ యముడు క‌న్నేత్తి చూడ‌డు.. నువ్వు చూస్తావా..’ అంటూ చెప్పిన డైలాగ్ చాలా బాగుంది.

ఇక త‌మ‌న్ ఇచ్చిన బ్యాక్ గ్రౌండ్ మ్యూజిక్ అదిరిపోయింది.మొత్తంగా టీజ‌ర్ గూస్ బంప్స్ తెప్పిస్తోంది.ఇక ఈ టీజ‌ర్‌తో చిత్రంపై అంచ‌నాలు మ‌రింత‌గా పెరిగిపోయాయి.

సంయుక్త హీరోయిన్‌గా న‌టిస్తోంది.14 రీల్స్స్ ప్లస్ బ్యానర్‌పై రామ్ ఆచంట, గోపిచంద్ ఆచంటలు ఈ చిత్రాన్ని నిర్మిస్తుండ‌గా నందమూరి తేజస్విని స‌మ‌ర్పిస్తున్నారు.ఈ చిత్రం సెప్టెంబ‌ర్ 25న ప్రేక్ష‌కుల ముందుకు రానుంది.