కువైట్: డ్రగ్ సరఫరా, వినియోగదారులపై కువైట్ ఉక్కుపాదం మోపుతోంది. స్పెషల్ ఆఫరేషన్ సందర్భంగా జనరల్ డిపార్ట్‌మెంట్ ఫర్ డ్రగ్ కంట్రోల్ సుమారు ఒక మిలియన్ కాప్టాగన్ మాత్రలను స్వాధీనం చేసుకుంది. మాదకద్రవ్య పదార్థాల అక్రమ రవాణా, పంపిణీలో పాల్గొన్న అనుమానితుడి గురించి అధికారులకు ఖచ్చితమైన సమాచారం అందడంతో తనిఖీలు చేసినట్లు అధికారులు తెలిపారు. అతని వద్ద నుంచి పెద్దమొత్తంలో డ్రగ్స్ ను స్వాధీనం చేసుకున్నట్లు తెలిపారు.  అతను చట్టవిరుద్ధంగా కువైట్ పౌరసత్వం పొందాడని గుర్తించినట్లు తెలిపారు. నిందితుడిపై చట్టపరమైన చర్యలు తీసుకోవడానికి మాదకద్రవ్య నియంత్రణ విభాగం, జాతీయత వ్యవహారాల దర్యాప్తు విభాగం నుండి సంయుక్త బృందాన్ని ఏర్పాటు చేశారు.