దోహా: ఖతార్‌లోని ఫోర్డ్ డీలర్‌ అయిన అల్మానా మోటార్స్ కంపెనీ ఫోర్డ్ బ్రోంకో 2025 మోడల్‌ను రీకాల్ చేస్తున్నట్లు ప్రకటించింది.  కొన్ని వాహనాలలో చైల్డ్ సేఫ్టీ లాక్ "ఆన్" అని చూపుతున్నా.. ఎడమ వైపు వెనుక తలుపు వాహనం లోపలి నుండి తెరుచుకుంటుంది. దీని కారణంగా అందులోని ప్రయాణీకులకు గాయాలయ్యే ప్రమాదం పెరుగుతుందని తెలిపింది.

ఈ ప్రమాదం నుండి వినియోగదారులను రక్షించడానికి, కార్ డీలర్లు వాహన లోపాలను సరిచేయడానికి వీలుగా రీకాల్ చేశారని వాణిజ్య, పరిశ్రమల మంత్రిత్వ శాఖ వెల్లడించింది. డీలర్‌తో సమన్వయం చేసుకుంటూ.. కస్టమర్‌లతో కమ్యూనికేట్ అవుతున్నట్లు మంత్రిత్వ శాఖ తెలిపింది. ఏవైనా ఉల్లంఘనలను గమనించినట్లయితే, వినియోగదారుల రక్షణ , వాణిజ్య మోసాల నిరోధక విభాగానికి నివేదించాలని వినియోగదారులకు సూచించింది.