కువైట్: కువైట్ లో భారీగా మద్యం పట్టుబడింది. విదేశాల నుంచి దొంగచాటుగా దిగుమతి చేసుకుని, తరలిస్తున్న ఆసియాకు చెందిన ఇద్దరు వ్యక్తులను అరెస్ట్ చేసినట్లు కువైట్ అంతర్గత వ్యవహారాల మంత్రిత్వ శాఖ వెల్లడించింది.  జనరల్ అడ్మినిస్ట్రేషన్ ఆఫ్ కస్టమ్స్ అధికారుల సమన్వయంతో తనిఖీలు నిర్వహించారని తెలిపింది. పక్కా సమాచారంతో ఓ గల్ఫ్ దేశం నుండి వస్తున్న కంటైనర్‌ ను కస్టమ్స్ అధికారులు తనిఖీ చేయగా, భారీగా మద్యం బయటపడిందన్నారు.  కేసు నమోదు చేసుకొని దర్యాప్తు చేస్తున్నట్లు, త్వరలోనే మరింత మందిని అరెస్ట్ చేస్తామని పోలీసులు తెలిపారు.