హైదరాబాద్: తెలంగాణలో ఇంజినీరింగ్, వృత్తి విద్యా కళాశాలల్లో చదువుతున్న విద్యార్థులకు సంబంధించిన శుభవార్త వచ్చింది. ఇకపై ఈ కళాశాలల్లో ఫీజు పెంపు యథేచ్ఛగా జరగదు.ఇంజినీరింగ్, డిప్లొమా తదితర వృత్తి విద్యా కళాశాలలు ఇక నుండి ప్రభుత్వ నిబంధనల ప్రకారం మాత్రమే ఫీజులు వసూలు చేయాలి. ఈ విషయంలో ప్రభుత్వ ఉత్తర్వులు స్పష్టంగా మార్గదర్శకాలు నిర్దేశించాయి.ఫీజులు పెంచాలని కళాశాలలు కోరితే, ముందుగా వారి ఆర్థిక లెక్కలతో పాటు విద్యా ప్రమాణాలను పరిశీలిస్తారు. అంటే, కళాశాలలు ఎంత నాణ్యత కలిగిన విద్యను అందిస్తున్నాయన్నదే కీలకం అవుతుంది.ప్రతి కళాశాలలో విద్యార్థుల హాజరును కచ్చితంగా పరిశీలించనున్నారు. ఫేషియల్ రికగ్నిషన్ టెక్నాలజీ ద్వారా హాజరు తీసుకుంటున్నారా? అనే అంశం తప్పనిసరిగా పరిశీలనలోకి వస్తుంది.

విద్యార్థులు ఫీజులు చెల్లించడంలో ఆధార్ ఆధారిత సిస్టమ్‌ను పాటిస్తున్నారా అనే అంశం కూడా ముఖ్యమైనది. ఈ విధానం వల్ల పారదర్శకత పెరుగుతుంది.ఇంజినీరింగ్, వృత్తి విద్యా రంగాల్లో పరిశోధనకు ప్రాధాన్యత చాలా ఎక్కువ. కాలేజీలు విద్యార్థులను ఈ దిశగా ప్రోత్సహిస్తున్నాయా అనే అంశాన్ని ప్రభుత్వం పరిగణనలోకి తీసుకుంటోంది.కళాశాలలో చదివిన విద్యార్థులు ఉద్యోగాలు పొందుతున్నారా? మంచి కంపెనీలలో ప్లేస్‌మెంట్‌లు వస్తున్నాయా? అనే అంశాల మీద కూడా ఫోకస్ ఉంటుంది. ఫీజు నిర్ధారణలో ఇది కీలకమైన పాత్ర పోషిస్తుంది.ఆ కళాశాలకి ఉన్న నేషనల్, ఇంటర్నేషనల్ ర్యాంకింగ్‌లను పరిగణనలోకి తీసుకుంటారు. ఈ ర్యాంకింగ్‌లు ఎంత ఉన్నాయో అనేదే, కళాశాల స్థాయి తెలియజేస్తుంది.

కాలేజీలు ప్రభుత్వ నిబంధనలను ఎంత మేరకు పాటిస్తున్నాయో కూడా తేల్చుకుంటారు. అన్ని అంశాలను సమగ్రంగా పరిశీలించిన తర్వాతే ఫీజుల పెంపు ఆమోదించబడుతుంది.ఈ నిర్ణయంతో అధిక ఫీజులు వసూలు చేస్తున్న కొంతమంది కాలేజీలపై నియంత్రణ వస్తుంది. విద్యార్థులకు నాణ్యమైన విద్య అందించడమే లక్ష్యంగా రాష్ట్ర ప్రభుత్వం ముందుకు సాగుతోంది.