దోహా: హమద్ అంతర్జాతీయ విమానాశ్రయం (HIA)లోని కస్టమ్స్ అధికారులు డ్రగ్ స్మగ్లింగ్ ను అడ్డుకున్నారు. ఎలక్ట్రానిక్ పరికరాలలో దాచిపెట్టి ఖతార్‌లోకి హెరాయిన్ అక్రమ రవాణా ప్రయత్నాన్ని చాకచక్యంగా విఫలం చేశారు.వచ్చిన ప్రయాణికుడి లగేజీపై అధికారులకు అనుమానం రావడంతో.. ప్రత్యేక స్కానింగ్ పరికరాలను ఉపయోగించి క్షుణ్ణంగా తనిఖీ చేశారు.

అతని సూట్‌కేస్ మెటల్ ఫ్రేమ్ లోపల దాచిన అనేక హెరాయిన్ ప్యాకేజీలు బయటపడ్డాయి. అతని ల్యాప్‌టాప్, స్పీకర్లు మరియు హెయిర్ బ్లోవర్ లోపల మరిన్ని ప్యాకేజీలను గుర్తించారు. వీటిని బ్లాక్ టేప్‌తో చుట్టి ఎలక్ట్రానిక్ పరికరాలలో దాచిపెట్టారు. మొత్తం 520 గ్రాముల బరువున్న మొత్తం 13 హెరాయిన్ ప్యాకేజీలను గుర్తించినట్లు కస్టమ్స్ అధికారులు ఒక ప్రకటనలో వెల్లడించారు.