యూఏఈ: సెప్టెంబర్ నెలలోకి అడుగుపెట్టడంతోనే యూఏఈ వాసులు వేసవి తాపం నుంచి ఉపశమనం పొందుతున్నారు. అల్పపీడనం కారణంగా సెప్టెంబర్ మూడో తేది నుంచి 5వ తేదీ వరకు వడగళ్ళు, ఉరుములతో కూడిన భారీ వర్షాలు కురిసే అవకాశం ఉందని నేషనల్ సెంటర్ ఆఫ్ మెటియాలజీ (NCM) వెల్లడించింది. ఈ సందర్భంగా బలమైన గాలులు వీస్తాయని పేర్కొన్నది. దుమ్ము మరియు ఇసుక తుఫాన్లు వచ్చే అవకాశం ఉందన్నారు. లోవిజిబిలిటీ ఉంటుందని, వాహనదారులు జాగ్రత్తగా ఉండాలని సూచించారు.