ఐసీసీ (అంతర్జాతీయ క్రికెట్ మండలి) మహిళల క్రికెట్‌కు ప్రాధాన్యత ఇస్తూ ఒక చారిత్రాత్మక నిర్ణయం తీసుకుంది. ఐసీసీ మహిళల ప్రపంచ కప్ 2025లో విజేతగా నిలిచే జట్టుకు పురుషుల 2023 ప్రపంచ కప్ విజేతలకు ఇచ్చిన ప్రైజ్ మనీ కంటే ఎక్కువ మొత్తం అందజేయనుంది. మహిళల ప్రపంచ కప్ 2025 విజేతలకు $4.48 మిలియన్లు (సుమారు ₹39.55 కోట్లు) లభించనుంది.పురుషుల ప్రపంచ కప్ 2023 విజేతలకు (ఆస్ట్రేలియా) $4 మిలియన్లు (సుమారు ₹33.32 కోట్లు) లభించాయి.ఈ నిర్ణయంతో మహిళల క్రికెట్‌కు మరింత ప్రోత్సాహం లభిస్తుందని ఐసీసీ ఆశాభావం వ్యక్తం చేసింది. మహిళలు కూడా పురుషులతో సమానంగా పరిగణించబడతారని, ఇది వారిని వృత్తిపరంగా క్రికెట్‌ను ఎంచుకోవడానికి ప్రోత్సహిస్తుందని ఐసీసీ ఛైర్మన్ జై షా పేర్కొన్నారు.మహిళల ప్రపంచ కప్ 2025 మొత్తం ప్రైజ్ మనీ $13.88 మిలియన్లు, ఇది 2023 పురుషుల ప్రపంచ కప్ మొత్తం ప్రైజ్ మనీ $10 మిలియన్ల కంటే ఎక్కువ. ఈ నిర్ణయం మహిళల క్రికెట్ చరిత్రలో ఒక ముఖ్యమైన మైలురాయిగా నిలిచిపోనుంది.