మనామా: బహ్రెయిన్, ఈజిప్ట్ మధ్య చారిత్రక, విశిష్ట సంబంధాలు ఉన్నాయని బహ్రెయిన్ క్రౌన్ ప్రిన్స్,  ప్రధాన మంత్రి ప్రిన్స్ సల్మాన్ బిన్ హమద్ అల్ ఖలీఫా అన్నారు. ఈజిప్టులో అధికారికంగా పర్యటిస్తున్న క్రౌన్ ప్రిన్స్.. ఈజిప్టు ప్రధాన మంత్రి డాక్టర్ మోస్తఫా మద్బౌలీతో సమావేశం అయ్యారు.  ఈ సందర్భంగా పలు ద్వైపాక్షిక సంబంధాలను సమీక్షించారు. రెండు దేశాల అభివృద్ధికి దోహదం చేసే కొత్త అవకాశాల గురించి చర్చించారు.  రెండు దేశాల సంబంధాలను మరిన్ని రంగాలను విస్తరించడానికి కలిసి పనిచేయడం కొనసాగిస్తామని స్పష్టం చేశారు.  

చర్చల సందర్భంగా డిజిటల్ ట్రాన్స్ పర్ మేషన్, ఫినాన్స్ మరియు బ్యాంకింగ్, లాజిస్టిక్స్, పరిశ్రమలు, పర్యాటకం, నిర్మాణ రంగం, ఆహార భద్రతతో సహా కీలక రంగాలలో సహకారాన్ని పెంపొందించే మార్గాలను సమీక్షించారు.  ఈ సందర్భంగా పలు రంగాల్లోకీలక ఒప్పందాలను కుదుర్చుకున్నారు.