DAMMAM : దమ్మామ్‌లో ఓ ప్రవాసి చట్టవిరుద్ధంగా మెడిసిన్స్ అమ్ముతూ దొరికిపోయాడు. సౌదీ ఫుడ్ అండ్ డ్రగ్ అథారిటీ (SFDA)  అతనిపై చట్టపరమైన చర్యలు తీసుకోవడానికి పబ్లిక్ ప్రాసిక్యూషన్‌కు రిఫర్ చేసింది.

సౌదీ అరేబియాలో మెడిసిన్ మరియూ హెర్బల్ ఉత్పత్తుల లైసెన్సింగ్, తయారీ, అమ్మకం మరియు పంపిణీ చేసేందుకు తప్పనిసరిగా లైసెన్స్ పొందాల్సి ఉంటుంది. అనుమతి లేకుండా అమ్మెవారికి 10 సంవత్సరాల వరకు జైలు శిక్ష లేదా SR10 మిలియన్ల వరకు జరిమానా లేదా రెండింటిని విధించే అవకాశం ఉంది. లైసెన్స్ లేకుండా మెడిసిన్స్ అమ్మేవారి సమాచారం తెలిస్తే.. 19999 నంబర్ కు కాల్ చేసి వివరాలు తెలపాలని కోరారు. ప్రజారోగ్యాన్ని కాపాడే విషయంలో రాజీ పడేది లేదని డ్రగ్ అథారిటీ స్పష్టం చేసింది.