జెడ్డా: సౌదీ అరేబియాలో అరుదైన బ్లడ్ మూన్ దర్శనమించింది. సంపూర్ణ చంద్ర గ్రహణాన్ని అక్కడి ప్రజలు ఆస్వాదించారు.  భూమి నీడ చంద్రునిపై పడగానే ముదురు ఎరుపు రంగులోకి మారి కనువిందు చేశాడు.  ప్రపంచ వ్యాప్తంగా పలు దేశాల్లో ఈ బ్లడ్ మూన్ పూర్తి స్థాయిలో కనిపించి కనువిందు చేసింది. ఇది దాదాపు 83 నిమిషాల పాటు కొనసాగింది. ఇటీవలి సంవత్సరాలలో ఇది అత్యంత పొడవైన వాటిలో ఒకటిగా నిలిచింది.

చంద్ర గ్రహణం సౌదీ సమయం ప్రకారం సాయంత్రం 7:27 గంటలకు ప్రారంభమైంది. పూర్తి గ్రహణం రాత్రి 8:30 గంటలకు ప్రారంభమై రాత్రి 9:53 గంటలకు ముగిసింది. మొత్తంగా గ్రహణ ప్రక్రియ రాత్రి 11:57 గంటలకు ముగిసింది.

ఈ అరుదైన బ్లడ్ మూన్ ను చూడటానికి ఖగోళ శాస్త్ర ఔత్సాహికులు మరియు ఫోటోగ్రాఫర్లు పోటీ పడ్డారు.  టెలిస్కోప్‌లు, కెమెరాలతో పాటు ప్రజలు నేరుగా కంటితో చూసేందుకు వీలుగా భారీ స్క్రీన్ లను ఏర్పాటు చేసినట్లు జెడ్డా ఆస్ట్రోనామికల్ సొసైటీ అధ్యక్షుడు ఇంజినీర్ మాజెద్ అబు జహ్రా తెలిపారు.