దోహా: సావిత్రిబాయి ఫూలే పూణే యూనివర్సిటీ (SPPU) ఖతార్ క్యాంపస్ లో ప్రతిష్టాత్మక బ్యాచిలర్ ఆఫ్ ఎడ్యుకేషన్ (BEd) డిగ్రీ ప్రోగ్రామ్‌ను అధికారికంగా ప్రకటించింది. ఈ రెండు సంవత్సరాల ప్రోగ్రామ్ ను MIE-SPPU ఇన్స్టిట్యూట్ ఆఫ్ హయ్యర్ ఎడ్యుకేషన్ తో కలిసి ఆఫర్ చేస్తున్నట్లు తెలిపింది. 

ఇండియాలోని అగ్రశ్రేణి ప్రభుత్వ విశ్వవిద్యాలయాలలో ఒకటైన సావిత్రిబాయి ఫూలే పూణే యూనివర్సిటీ అందించే BEd డిగ్రీ కోర్సు ప్రపంచ వ్యాప్తంగా గుర్తింపు పొందింది. ఇండియాలోని యూనివర్సిటీ గ్రాంట్స్ కమిషన్ (UGC), నేషనల్ కౌన్సిల్ ఫర్ టీచర్ ఎడ్యుకేషన్ (NCTE), అలాగే ఖతార్‌లోని విద్య , ఉన్నత విద్యా మంత్రిత్వ శాఖ గుర్తించాయి. ఈ బీహెడ్ సిలబస్ భారత్ లోని జాతీయ విద్యా విధానం (NEP 2020)కి అనుగుణంగా ఉంటుందని తెలిపింది.