దోహా: సముద్ర నావిగేషన్‌ కు సంబంధించి ఖతార్ కీలక నిర్ణయం తీసుకుంది. సెప్టెంబర్ 13  నుండి సెప్టెంబర్ 15 వరకు అన్ని రకాల సముద్ర నావిగేషన్‌ను నిలిపివేయాలని ఆదేశించింది. ఈమేరకు ఖతార్ రవాణా మంత్రిత్వ శాఖ (MoT) సముద్ర నౌకల యజమానులను, వారు వ్యక్తులు లేదా కంపెనీలకు జారీ చేసిన ఉత్తర్వుల్లో కోరింది. ఖతార్ అత్యవసర అరబ్-ఇస్లామిక్ సమావేశం నిర్వహిస్తున్న నేపథ్యంలో ఈ కీలక నిర్ణయం తీసుకున్నట్లు తెలిపింది.  
తాజాగా తీసుకున్న నిర్ణయం ప్రకారం.. హమద్ అంతర్జాతీయ విమానాశ్రయం నుండి లుసైల్ నగరంలోని ది వాటర్‌ఫ్రంట్ వరకు సముద్ర కార్యకలాపాలు, సముద్ర నౌక లీజింగ్ రెండు రోజులపాటు నిలిపివేయబడతాయని మంత్రిత్వ శాఖ స్పష్టం చేసింది. ఖతార్‌లోని అన్ని సంస్థలు, వ్యక్తులు సర్క్యులర్‌కు కట్టుబడి ఉండాలని మంత్రిత్వ శాఖ ఆదేశించింది.