దుబాయ్: చోరీ చేసిన బ్యాంక్ కార్డుల ద్వారా నిధులను కాజేస్తున్న అంతర్జాతీయ ముఠాను దుబాయ్ పోలీసులు అరెస్టు చేశారు. నిధులను మోసపూరితంగా ట్రాన్స్ ఫర్ చేయడానికి నిందితులు ఏకంగా ఫేక్ కంపెనీలను సృష్టించారని పోలీసులు తెలిపారు. పక్కా సమాచారంతో స్పెషల్ ఆపరేషన్ చేపట్టి నిందితుల ముఠాను ట్రాక్ చేసి అదుపులోకి తీసుకున్నట్లు అధికారులు వెల్లడించారు. ముఠా సభ్యులపై కేసులు నమోదు చేసి దర్యాప్తు చేసినట్లు తెలిపారు.   

దుబాయ్ పోలీస్ జనరల్ కమాండ్, క్రిమినల్ ఇన్వెస్టిగేషన్ యాంటీ-ఫ్రాడ్ సెంటర్ ద్వారా ఈ ఆపరేషన్ ను విజయవంతంగా నిర్వహించారు. ఏవైనా అనుమానాస్పద కార్యకలాపాల సమాచారాన్ని 'పోలీస్ ఐ' ప్లాట్‌ఫామ్ ఫిర్యాదు చేయాలని అధికారులు సూచించారు.