మనామా: బహ్రెయిన్ లోని నేషనల్ హెల్త్ రెగ్యులేటరీ అథారిటీ (NHRA) చీఫ్ ఎగ్జిక్యూటివ్ ఆఫీసర్ డాక్టర్ అహ్మద్ మొహమ్మద్ అల్ అన్సారీ.. జస్రాలోని అమానా హెల్త్‌ కేర్ ఫెసిలిటీని సందర్శించారు.  ఈ ఫెసిలిటీ చీఫ్ ఎగ్జిక్యూటివ్ ఆఫీసర్ డాక్టర్ మొహమ్మద్ అల్ సాతితో పాటు పలువురు అధికారులు ఆయన వెంట ఉన్నారు. 

ఈ పర్యటన సందర్భంగా ఫెసిలిటీలోని వివిధ విభాగాలను పరిశీలించారు. పేషంట్లకు అందుతున్న సేవలను అడిగి తెలుసుకున్నారు. అంతర్జాతీయ ప్రమాణాలకు అనుగుణంగా వైద్య సేవలు అందిస్తున్నట్లు పేర్కొన్నారు.  బహ్రెయిన్ జాతీయ ఆరోగ్య ప్రణాళిక లక్ష్యాలకు అనుగుణంగా అమానా హెల్త్‌ కేర్ సేవలు అందిస్తుందన్నారు.

బహ్రెయిన్ ప్రపంచ స్థాయి ఆరోగ్య సంరక్షణ సౌకర్యాల నెట్‌వర్క్ అయిన M42లో భాగంగా ముమ్తలకట్‌ భాగస్వామ్యంతో అమానా హెల్త్‌ కేర్ ను స్థాపించారు. ఇది ప్రత్యేకమైన దీర్ఘకాలిక వ్యాధులతో బాధపడుతున్న పేషంట్లకు సేవలు అందించేందుకు ఒమన్ లో ఏర్పాటైన మొట్టమొదటి ఆసుపత్రిగా గుర్తింపు పొందింది. ఇందులో 100కిపైగా ఇన్ పేషంట్ బెడ్స్ ఉన్నాయి.