గత కొన్ని రోజులుగా పైపైకి పోతున్న వెండి ధర ఎట్టకేలకు దిగొచ్చింది. ఒక్క రోజే రూ. వేయికి పైగా తగ్గడంతో రూ. 46వేల దిగువకు చేరింది. దేశీయ మార్కెట్లో గురువారం వెండి రూ. 1,020 తగ్గింది. దీంతో కేజీ వెండి ధర రూ. 45,745గా ఉంది. ప్రపంచ మార్కెట్ల ప్రభావం, పారిశ్రామిక వర్గాలు, నాణేల తయారీ దారుల నుంచి కొనుగోళ్లు లేకపోవడంతో ధర తగ్గిందని బులియన్‌ మార్కెట్‌ వర్గాలు వెల్లడించాయి.
మరోవైపు బంగారం ధర మాత్రం స్థిరంగా ఉంది. నగల వ్యాపారుల నుంచి కొనుగోళ్లు అంతగా లేకపోవడంతో బులియన్‌ మార్కెట్లో పది గ్రాముల పసిడి ధర రూ. 30,650గా ఉంది.