కువైట్: ఫర్వానియా గవర్నరేట్ కువైట్‌లో అత్యంత జనసాంద్రత కలిగిన గవర్నరేట్‌లలో ఒకటిగా ఉంది. ఇది దాదాపు ఒక మిలియన్ మంది ప్రవాసులు, 250,000 మంది పౌరులకు నిలయంగా ఉందని ఫర్వానియా గవర్నర్ షేక్ అత్బీ అల్-నాజర్ అన్నారు. నివాసితుల సమస్యలను పరిష్కరించడానికి,  ప్రజా సేవలను మెరుగుపరచడానికి గవర్నరేట్ ప్రభుత్వ సంస్థలతో దగ్గరగా పనిచేస్తుందని ఆయన వెల్లడించారు.

జ్లీబ్ అల్-షుయౌఖ్ ప్రాంతం మరియు బ్యాచిలర్ల సమస్య గవర్నరేట్ ఎదుర్కొంటున్న అతిపెద్ద సవాళ్లలో ఒకటి అని షేక్ అత్బీ అన్నారు. జలీబ్ సమస్యను పరిష్కరించడానికి కార్మికుల నగరాలను స్థాపించడం, కార్మికులను అక్కడకు తరలించడం, ఆ ప్రాంతాన్ని అభివృద్ధి చేయడం మరియు దాని వ్యూహాత్మక స్థానాన్ని ఉపయోగించడం అవసరమని ఆయన గుర్తించారు. కుటుంబ ప్రాంతాలలో నివసించే బ్యాచిలర్ల సమస్య పరిష్కారానికి అధికారులు మరియు నివాసితుల మధ్య సహకారం అవసరమని ఆయన చెప్పారు. 

గవర్నరేట్ లో ట్రాఫిక్ రద్దీ, వీధి కుక్కలు, కొన్ని ప్రాంతాలలో అపరిశుభ్రత, మరియు కొత్త పరిసరాల్లో మరింత పచ్చదనం అవసరం అని అభిప్రాయపడ్డారు. రాబోయే కాలంలో కేఫ్‌లు మరియు పబ్లిక్ పార్కులలో వినోద కార్యక్రమాలను నిర్వహిస్తామని గవర్నర్ ప్రకటించారు.