మస్కట్: బెలారస్ లో ఒమన్ సుల్తాన్ హైతం బిన్ తారిక్ రెండు రోజుల పర్యటన ముగిసింది. ఈ సందర్భంగా బెలారస్ అధ్యక్షుడు అలెగ్జాండర్ లుకాషెంకో తో పలు రంగాలకు సంబంధించి కీలక ఒప్పందాలు చేసుకున్నారు. ద్వైపాక్షిక సంబంధాలను మరింతగా పెంచుకోవడానికి ఇది దోహదం చేస్తాయని ప్రకటించారు. ఉమ్మడి పారిశ్రామిక సహకార ప్రాజెక్టులు ద్వైపాక్షిక ఆర్థిక సంబంధాల వృద్ధిపై సానుకూల ప్రభావాన్ని చూపుతాయని వారు తెలిపారు.  

ఉమ్మడి ఆసక్తి ఉన్న కొన్ని అంతర్జాతీయ మరియు ప్రాంతీయ సమస్యలపై చర్చించారు. ఆహార భద్రత, వ్యవసాయం, పరిశ్రమ, లాజిస్టిక్స్, ఆరోగ్య సంరక్షణ, పర్యాటకం మరియు సంస్కృతి రంగాలలో ఉన్నత స్థాయి పరస్పర సందర్శనల సమయంలో కుదిరిన ఒప్పందాలను అమలు చేయడంలో సాధించిన పురోగతిపై ఇద్దరు నాయకులు చర్చించారు. వ్యవసాయం, సమాచార సాంకేతిక రంగం, ఫర్నిచర్ మరియు పల్ప్ మరియు కాగితం ఉత్పత్తిలో రెండు దేశాల మధ్య పెట్టుబడులను విస్తరించడానికి వారు తమ సంసిద్ధతను వ్యక్తం చేశారు. తనకు లభించిన ఆత్మీయ ఆతిథ్యానికి సుల్తాన్ హైతం బిన్ తారిక్ కృతజ్ఞతలు తెలిపారు. బెలారస్ అధ్యక్షుడిని ఒమన్ సందర్శించమని ఆహ్వానించారు.