రియాద్ : సౌదీ అరేబియా ఉమ్రా ఎంట్రీ వీసా వ్యాలిడిటీని తగ్గించింది. ఉమ్రా కోసం ఎంట్రీ వీసా చెల్లుబాటు వ్యవధిని జారీ చేసిన తేదీ నుండి మూడు నెలల నుండి ఒక నెలకు తగ్గిస్తూ ఉత్తర్వులు జారీ చేసింది. అయితే, సౌదీ అరేబియాకు యాత్రికుడు వచ్చిన తర్వాత ఉండటానికి చెల్లుబాటు వ్యవధి మూడు నెలలుగానే ఉందని, ఇందులో మార్పులు లేవని హజ్ మరియు ఉమ్రా మంత్రిత్వ శాఖ తన ప్రకటనలో స్పష్టం చేసింది.

మరోవైపు జూన్ నుంచి కొత్త ఉమ్రా సీజన్ ప్రారంభం కాగా, ఇప్పటి వరకు విదేశీ యాత్రికులకు జారీ చేసిన ఉమ్రా వీసాల సంఖ్య నాలుగు మిలియన్లు దాటింది. ఈ సంవత్సరం ఉమ్రా సీజన్ గత సీజన్లతో పోలిస్తే కేవలం ఐదు నెలల్లోనే విదేశీ యాత్రికుల సంఖ్యకు రికార్డు సృష్టిస్తోంది.

సవరించిన నిబంధనల ప్రకారం యాత్రికుడు సౌదీ అరేబియాలోకి ప్రవేశించడానికి నమోదు చేసుకోకపోతే ఉమ్రా వీసా జారీ చేసిన తేదీ నుండి 30 రోజుల తర్వాత రద్దు చేయబడుతుందని తెలిపింది.  కొత్త నిబంధనలు వచ్చే వారం నుండి అమల్లోకి వస్తాయని పేర్కొంది. ఈసారి ఉమ్రా యాత్రికుల సంఖ్య పెరిగే అవకాశం ఉందని ఉమ్రా జాతీయ కమిటీ సలహాదారు అహ్మద్ బజాయీఫర్ తెలిపారు.